TEMPUS DE TUNDI


TEMPUS DE TUNDI
Srabadori, custa borta, est andendi de
tundidroxu in tundidroxu: otu a oi su tundidroxu
de su tallu de su tziu, oi su de su tallu de su
babu, oi otu su tundidroxu de su tallu de
Giuannicu, s' amigu corali de su babu, ainci
ainci, su piciocheddu est perdendusi unas bellas
cantu dis de i-scola.
Gi funt cosa is maistus!! Propriu a sa coa de
s'annu a si fari totu custas bagantzas! Deu gi si
dd' apu nau, a Srabadori, ca no andat beni a fari
ainci, ma issu m' at arrespustu ca non ndi podit
fari de mancu de andari a is tundidroxus, ca non
si ddus bolit perdi. Is maistus gi tenint ora de
s'arrennegai!!
A su sartu si ddu pinnigat unu biaxi de genti,
una surra de piciocheddus e si spassiant totus.
A Srabadori ddu ponint fintzas e a pinnigai sa
lana, perou issu non ndi fait contu. Atru che
andari a i-scola! Candu an ai tundiu totu is
tallus, at a torrai a andari a i-scola.
Po cumprendiri sa lingua
Cali tallu ant giai tundu?
Cali funt tundendi?
Cali depint ancora tundiri?
IN SARDU
Po inditari unu fatu chi depit ancora sussediri:
- chi contaus de oi
- oi otu (cuindixi...)
- oi unu mesi (un' annu...)
- chi contaus de cras
- cras otu (cuindixi...)
- cras unu mesi (un' annu...)
- chi contaus de imoi
- de imoi (innoi) a un' ora (duas...)
- de imoi (innoi) a unu mesi (un'annu...)
Po inditari unu fatu chi est giai sussediu:
- chi contaus de oi
- otu (cuindixi...) a oi
- unu mesi (un'annu...) a oi
- chi contaus de cras
- otu (cuindixi...) a cras
- unu mesi (un'annu...) a cras
- chi contaus de ariseru
- otu (cuindixi...) a ariseru
- unu mesi (un'annu...) a ariseru
- un'ora (duas oras...) a imoi
100