SU DOMINIGU DE SEGA PINGIADAS


SU DOMINIGU DE SEGA PINGIADAS
Su dominigu chi segant is pingiadas, de su
curridoriu de sinnoir Casu partiat una funi chi
Tziu Perantoni acapìat a su truncu de sa
spinecristis. In custa funi chi atruessat su
stradoni a un' artaria de unus cuatru metrus,
apicant a un' a una is pingiadas chi si depiant
segai, e a un' a unu is cabonis e is caboniscus
cundennaus a fai una morti pagu bella. Provu a
mi spicigai mellus.
Su primu dominigu de caresima, facias a is tres,
si pinnigant in Sa Pratzita otu o noi giovunus a
cuaddu, sedda, istafas crutzas. Donniunu portat
unu fusti o una màniga de scova longa unu
metru. Candu Tziu Perantoni nc' infilat in sa funi
sa primu pingiada, Efiluisu, de pitzus de sa
muralla, donat s' ordini po sa partentzia:
— Antoni!
Antoni cun d' unu cropu de isproni, partiat a totu
fua, is arredinis in sa manu de manca, artu su
fusti in sa manu dereta. Lòmpiu asuta de sa
pingiada si ndi pesat in is istafas e... bum! unu
cropu a sa pingiada e sighiat a curri fintzas a
Cucuru de Callia, ca prima non nci arrennesciat
a frimài su cuaddu. Chi faddiat, sa genti pe parti
de su stradoni ddu pigat a boxis e a srubius; chi
intzèrtat, impari cun is arrogus de sa pingiada
nd' arruiat donnia cosa: o cinixu, o tzipulas, o
pruini de craboni, o topis. Is chi fuant prus a
acanta tandu no est chi s' essint divertius meda.
A pustis de una pingiada, unu caboniscù a
conca pendi pendi. De pitzus de sa muralla
Efiluisu tzerriàt:
— Francischinu!
E via Francischinu, cun su fusti puntau a sa
conca de su caboniscù. Chi faddiat, o su
caboniscù non moriat subitu, Efiluisu ndi tzerriàt
un' àtru chi dd' acabàt. E aici totu su meri: una
pingiada unu caboniscù, una pingiada unu
caboni, e is giovunus a cuaddu, chi scudiant unu
cropu de fusti currendu a totu fua, strantaxus in
is istafas.
Benvenuto
114

Su domìngu de sega pingìadas Po cumprendìri su testu Marca cun d’ una gruxi s’ arrispòsta giusta
- Tziu Perantoni acapiàt a sa funi:
- unu truncu de spinecristis
- pingìadas e cabòniscus
- cundennaus a morti
- Is giovunus portànt:
- unu metru
- unu fusti o una màniga de i-scova
- una funi
3. (Antoni) Lòmpiu asuta de sa pingiada:
- □ donat unu cròpu a sa pingiada
- □ donat unu cròpu a is i-stafas
- □ incumentzat a srùbius e a bòxis
4. Chi Francischinu faddiat o su cabòniscu non moriat illuegu:
- □Efiluisu segat un’ atra pingiada
- □ Efiluisu tzerriat un’ atra giòvunu
- □ Efiluisu nc’ infilat un’ atru cabòniscu
115