SU VIAGGIU
Ita m'at essi acucau!
Seu andara in gita cun is anzianus.
Funt cumpangius mius de Universidadi,
Cussa de sa terza edadi.
Totti genti esperta,chi at girau su mundu!
Destinatzioni:su Portogallu.
De candu seus partius,is cumpangius mius
Anticumentzau a si chexai,mischinus!
"S'aeroplanu est scomudu"
"C'est frius,bisongiadat a studai s'aria cundizionara"
"No,c'est basca,alluei s'aria cundizionaria"
"E candu papaus?"domandat calencunu.
Passant su smurzu e:
"Ita est custa cosa?"narant'ischivaus.
Però si papant totu.
Arribaus finalmentis a destinatzioni.
"S'ant cambiau s'albergo? E imoi? Custu non andat beni.
"Est attesu"
"Sa stanza mia est brutta"
"Sa mia est umbida"
"Sa mobilia est beccia"
Calaus a cena e ita mi tocat a inetndiri?
"Sa pasta est scotta"
"Custu pani fait schivu"
"E custa cosa ita est?"
"Bacalliari?"
"A mei su bacalliari non mi praxit"
Perou du su bisi ananti a is mesas
Parint muscas.
Si prenint is pratus de onnia cosa
E murrungia,murrungia,si papant totu.
Sa gita est acabada.
"Acabada?""E is mancias?"
"Is mancias po chini?"
"Po sa guida,s'autista,is camerieris"
"Poita,non funt giai pagaus?"
"Dai,non fatzais is'asurius,bogai su dinai!"
Is cumpangius mius iscinti cumenti si fait:
Ant girau su mundu!
Cand'est s'atru viaggiu?
Ollu girai su mundu deu puru!
I. C.