SA TERRA MIA
Aundi seu nasciu deu
S' airi est sempiri frisca e clara,
Fragosa de nuscus de dogn' arrazza
' nci crescit su martuzzu e s' ambulazza,
Chi lassat s' arriu passenfi sulenu.
Est unu logu conotu e no allenu.
Aundi seu nasciu deu,
Ci sunt is froris prus bellus
' nci crescint rosas e gravellus,
Chi mudant is fentanas de is amantis,
Chi tenint in coru amori sinceru
De si donai a pari.
Aundi seu nasciu deu
Est terra de abbundanzia,
Cun zippiri, menta e dogna fragranzia,
Mudada de zinnibiri e cardilloni,
' nci crescit sa murta, su moddizi e s' olioni
Chi donant bellesas a s' antiga terra mia,
De mari a monti cun froris bistia.
Est una terra chi no si podit' i scaresci.
Aundi seu nasciu deu,
Isula ospitali e de bonia genia
De coru balenti che forti granitu,
Chi nudda timit ne cilixia o bentu
Po custu de sa sorti seu cuntentu,
Chi m'est amiga e sempiri benigna,
Po m' hai fattu nasci in terra de Sardigna.
Luigi Suergiu
