NOTT' E BARDANA
In custa nott' e bardana
Schintiddiant is ferros
De cuaddos impressios
In is moris de padentes mudas.
A cuaddu de alas de bentu,
Geo puru 'olia fare razzias.
Bolia furare
De sa mesa appariciada ' e chelu
Un isteddigheddu ' e lughe
Po ddu ' onare a unu pipiu solu,
Iscavulau, de bianca e pedde niedda
Chi lambrigat
Ispibionando oras de isperanzia.
Bolia furare
Unu carinniu a sa luna
Po ddu ' onare a unu becciu
Imentigau de sa soziedade
Ca no podet camminare.
Issu, in donnia surcu cofudu
E in s' iscusorgiu de s' amentu
Chistit un' istoria antiga
Chi tenet gana de contare :
Poite nu ddu depeus iscurtare ?
Bolia furare
De - a su Babbu Mannu,
Una cosa bella e rara :
Su pedronu, po ddu ' onare
A chie bividi in s' odiu
Ca no ischit perdonare !
Bolia furare
S' abba de su mare
Po istudare donnia fogu
De custa terra chi sighit abbrusciare !
Custas manos nuas, impotentes,
Cantu cosas iant a bolle' furare
Po cambiare custu mundu
Chi sighit a gherrare !
Ida Patta
NOTTE DI SCORRERIE
In questa notte di scorrerie
scintillano i ferri
di cavalli lesti
nei sentieri di montagne mute.
A cavallo delle ali del vento,
anch'io vorrei fare razzie.
Vorrei rubare
dalla tavola imbandita del cielo
una stellina di luce
per regalarla ad un bambino solo,
abbandonato, di pelle bianca e nera
che lacrima
centellinando ore di speranza.
Vorrei rubare
una carezza alla luna
per regalarla ad un vecchio
emarginato dalla società
perché non può camminare.
Lui, in ogni ruga profonda
e nello scrigno dei ricordi
suggella una storia antica
che ha voglia di raccontare :
perché non lo si deve ascoltare?
Vorrei rubare
dal Grande Babbo,
una cosa bella e rara :
il perdono, per regalarlo
a chi vive nell' odio
perché non sa perdonare !
Vorrei rubare
l'acqua del mare
per spegnere tutti i fuochi
di questa terra che continua a bruciare !
Queste mani nude, impotenti,
quante cose vorrebbero rubare
per cambiare questo mondo
che continua a guerreggiare !
